كيف انهزم .. و ابقى [ بطل ] !

كيف انهزم .. و ابقى [ بطل ] !

مَدخَل |

أكبر خطا .. ما على الصدّه قوانين
وبعض الهجر مشكلة .. والصبر حلّه
إللي يحبّون بالدنيا ... كثيرين
واللي يعرفون معنى الحبّ .. قلّه

،

كلي [ أمل ] .. و انت ِ مثل [ حلم كذاب ] !
سئمت من هذا الأمل .. حدّ الملل

حاضر / .. و لكن داخلي [ زحمة غياب ] !
و تطرد وراي الذكريات .. بلا كلل

[ شيطانتي ] ! قِبلة غواية / .. و محراب
اسـتدبرك / و اسجد لـ ربي في عجَل

و اعوذ من شوقي / و من كلّ الاسباب ،
الي ترجعني على .. الدرب الكهَل !

يا زارعة ( زقوم ) .. صدري ترى تاب
ما عاد في نخلي لـ زقومك محل !

[ وردة ] و لكن من ظهر شوك و اعشاب
يوم اقطفك .. شوكة توارت بالخجل !

مو مشلكة لو صرت - أنا - منك منصاب ؛
المشكله [ منـّـك ] تعلمت الأمل !!

تلميذك الأول / نجح منـّـك .. و غاب !
غاب و كتب لك من تجاربه .. و رحَل

[ قبح النوايا ] .. ما تغطيه الثياب
وشكل النحل .. ما هو مثل طعم العسَل !

و لوّ الجمال بـ ( شكل ) ما شفت الـ ..... !
توفي .. وهي في وجهـهـا أقبح شكل !!

دورك تجيني ( طالبه ) ضمن طلاب
و اعلمك كيف انهزم .. و ابقى [ بطل ] !

غيابك الحاضر معي .. حيييل كذاب !
خلاني اشعر إنْ بـ احلامي / .. خلل !!

مَخرجْ |

دايم افكّر .. لو تغيب شـ يبي يصير
وغلاك لي .. منهو يحلّ بمحلّه ؟
كنت أحسب إني اعشقك والغلا غير
لين أنكشف لي واقع الحلم .. كلّه
هذا انت غبت .. وهذا انا عايش بخير
طلعت لا احبّك .. ولا قالها الله !

،

النص لـ عيسى المعيبد

المصدر: الملتقى الجماهيري للشاعر محمد بن فطيس المري

[ قبح النوايا ] .. ما تغطيه الثياب
وشكل النحل .. ما هو مثل طعم العسَل

٠

نعم المظاهر مو كل شي قصيده جميله جداً
سلم اختيارك
متصفح عطر سعدت بتواجدي

يعطيك العافيه
ودي وورودي

صح لسآن شآعرها

ولآهنتي عالنقل المميز ..

يعطيك العافيه على المشاركه

الجميله والاجمل

طرحك لها

دمتي بخير

روعة
صح لسان شاعرها
ويعطيك العافية يالغلا