ياليت يجمعنا سواء قصر الإفراح

ياليت يجمعنا سواء قصر الإفراح

هذا جديدي اتمنى ان يحوز على رضاكم

يارب عبدك كل مانام ماارتاح=ضيقه بنومه واشنع الضيق صاحي
كنيت عبراتي عسى الضيق ينزاح=ولقيتها تزداد مابه مراحي
اساير ايامي على ضيم وافراح=لعلني ارتاح ويطلق سراحي
مابه تغير هو مسايه والإصباح=الحال هو الحال حرم مباحي
كثرت سكاكين الغدر والجمل طاح=ويالله دخيلك وين بلقى أنشراحي
مدام وجه الوقت قاسي وفضاح=وشلون اسكت من عرف للنباحي
ضيقه بصدري كنها الليل وشاح=خلف الضلوع العوج هذا وشاحي
يالليل عمري يانجم فوق وضاح=اقراء مكاتيبي وخل المزاحي
انته بصدري كنز ماهو للإرباح=وانته عطر بالجوف عطر وفاحي
اغليك ياظبي العدامه والإبراح=يالليلي الدامس ونسمة صباحي
تعال وش ينفع خفوقي إلاصاح=من بعدك اللي علله بالنواحي
تدري حياتي انت لوكلي اجراح=عادي رموشك زودتني جراحي
ياليت يجمعنا سواء قصر الإفراح=معرس واشوف اسمك بعقد النكاحي

اخوكم هياف السبيعي

المصدر: الملتقى الجماهيري للشاعر محمد بن فطيس المري

صح لسانك اخوي هياف

يعطيك العافيه

بنتظار جديدك

تقبل مروري

صح لسااااانك هياف..
وربي إبداااااااااع إبداااااااع القصيده
الله يحفظك يآرب.

نستنا جديدك

الله الله
صصصصصصصح لسااانك
واللهم اميييييين
ابدعت اخوي سلمت اناملك

امين يا هياف

الله يجمعكم سوا في قصر الافراح

صح لسانك الله يعطيك العافيه على هذا الابداع

تقبل تحياتي وخالص تقديري

صح الله لسانك قصيده وافيه من رجال وافي

دمت بخير

اسايـر ايامـي عـلـى ضـيـم وافــراحلعـلـنـي ارتـــاح ويـطـلـق ســراحــي

الف شكر لك
ابدعت
وصح لسانك
لاعدمناك

تقبل مروري

هياف السبيعي صح السانك ابيات روعه يبعدي
ننتظر جديدك بفارق الصبر تحياي وشكري لك
هع

هياف السبيعي
الله الله عليك وصح الله السانك جزله من جزاله راعيها
ودي وتقديري

صح لسآنك ..

ولاهنت ع هالجزلــه