ماحصل بين مشعل العطاوي و سداح العتيبي بـ ديوان حي صوتك

ماحصل بين مشعل العطاوي و سداح العتيبي بـ ديوان حي صوتك

السلام عليكم ورحمة الله وبركاته
في الأيام السابقه اتصل الشاعر مشعل العطاوي
بـ الأستاذ نواف الغنامي مُعد دواوين الشاعر سداح العتيبي
وطلب مشعل نسخه من ديوان سداح الأخير "حي صوتك"
وقدم الغنامي لـ مشعل اربع نسخ هديه ,
وبهذه المناسبه يقول :

مشعل العطاوي

البدايه جيت ظلم ابغى الوصيه=وانت من قوم"ن" يحفظون الامانه
ولا دريت الا مسلمها هديه=كيف لا بيني ولا بينك ميانه
افرحتني مع فرح عيد الضحيه=وزادها سداح صح الله لسانه
شاش راسي من معانيه القويه=ومن يراهن فيه مايخسر رهانه
مير يانواف مداتك نديه=والرجل لامد تعرف ويش شانه
اسلم وسلم على ذوي عطيه=عقب مادارت سيور الاسطوانه

وجاء الرد من سداح :

البدايه والنهايه عالميه=بيض الله وجه من سجل بيانه
هاضني طرقه عسى ايامه مديه=طرقه المضمون مايبغى ضمانه
المدوح اللي مفصلها عليّه=تشهد انه من رفيعين المكانه
بلغه مني سلامي والتحيه=وعلمه سداح عدك من خوانه
وبالنيابه عايديه والشمس حيه=ولا عليك ولا على مشعل مهانه
يابعد قوم"ن" مذاهبهم رديه=يعلجون احقادهم علج اللبانه
كل واحد منتفخ كبر المطيه=معك امانه تمسطه بالخيزرانه

أخوكم
سيف السليس

المصدر: الملتقى الجماهيري للشاعر محمد بن فطيس المري