10-29-2011, 07:08 PM
|
|
|
رد: ليه آحسس آنك معآآي" ومو معآي ..!!
يابوي ابشكيلك عن القلب والحال
واشكي عذاب داخل القلب مكتوم
صبري نفذ في غيبتك والشقى طال
واليا متى والهم وياي ملزوم
يابوي غبت وعقبكم ضايق البال
والنفس عقبك مالها بالملى دوم
ناس تموت ومانلقي لها بال
وناس تموت وذكرها حي لليوم
يالله ياللي شايف كل الاحوال
ترفق بحال اللي نحل حاله اليوم
حالي مثل طفلاٍ تبناه رجال
طفلاٍ يصيح تالي الليل مفطوم
وحيد مايذكر لعب بين الاطفال
راسه بكمه عايف الدار والنوم
والحال صارت كل ساعه على حال
والقلب بغيابك غداء اليوم مهموم
انا الحزن فيني على انواع واشكال
للزم علي وصرت انا فيه ملزوم
انا الحزن في داخلي صار ثم جال
انا الفرح في دنيتي صار معدوم
كن الحزن في داخلي صار تمثال
وكن الفرح لا شافني صار محشوم
يابوي ابختمها عن القيل والقال
انا الفرح عندي بالاعدام محكوم
|
هذي حياتي عشتها كيف ماجات ..
|
« آخـــر الـــمـــشـــاركــــات »
العرض المتطور
