مختارات مجازف &** النصيه **&%

الدمعه الي تكابـر .. فـي طـرف عينـي .!
........ يردها ( الموق ) بس ( الجفن ) ,, حدرها .!!

سمعت صوتـك مـع العالـم .. ينادينـي .!
........ وازريت لا ردهـا .. بالعيـن واسترهـا .!!

وصديـت مـاودي ان النـاس .. توحينـي .!
........ مثلي يموت ودموعـه .. صعـب ينثرهـا .!!

ويخنقني البوح .. بـس القلـب يعصينـي .!
........ ويبقا بوسط الصدور .. وفـي خواطرهـا .!!

والحزن لونـي خفيتـه .. واضـح ٍ فينـي .!
........ ورد على القلـب .. والفرحـات صدرهـا .!!

والبسمـه الـي تبينـي .. بـس تخطينـي .!
........ متى على الله .. يجيهـا يـوم واظهرهـا .!!

ألآحي الـورق .. مـدري هـي تلاحينـي .!
........ اوَن وتسجـع .. و ونـاتـي تكـررهـا .!!

لبيـه يـا ذكرياتـي .. واجمـل سنينـي .!
........ ويا قصة ٍ عايشه لـو مـات .. آخرهـا .!!

وين انت يـ/ اول غرامـي .. يـا معنينـي.!
........ وين انت يـ/ اغلا ذنوب القلب .. واطهرها .!!

اصحا وطيفـك .. معـا زولـي يبارينـي .!
........ وارقد واشوفك .. مع احلامـي تباشرهـا .!!

واليوم .. وينك بـ/ هالدنيا .. وانا وينـي .!
........ طالت ليال الفراق .. بـ/ عين ساهرهـا .!!

واليا اظلم الوقـت .. هوجاسـي يسرينـي .!
........ ويضيق صدري .. و كل ايامـك اذكرهـا .!!

ياكيف ابنسى .. وانا مـا عـاد يمدينـي .!
........ لو شفـت حالـي .. قسـم بالله تعذرهـا .!!

اصبَر الحـال .. فـي قولـة بـ/ ياتينـي .!
........ وانا ادري اني .. اببطي .. لـو اصبرهـا .!!

وقصايـدي فـي غيابـك .. مـا تسلينـي .!
........ لو تطرب الناس .. تشكي جرح شاعرهـا .!!

والدمعه الـي مـن الوحـده .. تواسينـي .!
........ إلـي مـن آخـر لقـا .. بالله خابرهـا .!!