ياخوي لاتشره ,,

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

انزل لكم ابيات حسب طلبها واتمنى ان تنال على اعجابكم جميعا ً ,,


[poem=font="simplified arabic,4,black,bold,normal" bkcolor="transparent" bkimage="" border="double,7,black" type=1 line=0 align=center use=ex num="0,black""]
ياخوي لاتشره وانا اقوم واطيح=راحـت حياتي والليالي لعوبـه
اطرد سراب الوقت مالي مصاليح=غير العنى والهم ضمن العقوبه
يزمي لي المرقاب فوقه ملاويح=واليا زمى عنيت الاقدام صوبه
ولالي ورا مركاض رجلي مرابيح=وغلطات عمري فالسجل محسوبه
تلعبي الاقـدار لـعـب المراجيح=والـعـبـد مـايـحـصي بـعـمـره ذنـوبـه
سود الليالي مقبلات وملاقيح=وانتاجها خافي ولاعرف سلوبـه
نور السعد لأبان وجاله تواضيح=عسى العنى يقفي وخالـف دروبـه
اضحك وجامل من يحب التمازيح=وكن الغضى داخل حشايه شبوبـه
واسلي الخاطر بسلك المسابيـح=واخفي عنايه والعرب مادروبه
اخاف من هرج الوجيه المقابيـح=وهقواي مع طول الزمن ماهقوبـه
ناس ٍ على نقل النميمه مشافيح=كم ميت ٍتحت النصايب حكوبه
[/poem]

وسلامة نـواظركم ,, خـالد الـعـتـيبي .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

[ناصر الشريف]

خالد العتيبي صح لسانك حتى ترضى

قصيده قمه في قمه وانا اكتفي بهذين البيتين

ولالي ورا مركاض رجلي مرابيح=وغلطات عمري فالسجل محسوبه
تلعـبـي الاقــدار لـعـب المـراجـيـح=والعـبـد مايحـصـي بعـمـره ذنـوبـه

صح لسانك مره اخرى على هذين البيتين تقبل تحياتي وخالص تقديري

[خالد العبيريد]

حياك الله ناصر الشريف ,,

كل الابداع والقمه حضوورك المضئ لهذى المتواضعه ,,

صح الله بدنك وصح قلبك وكلك ولاهنت على الاشاده والتعليق ,,

لك ارق التحايا وكل الود والتقدير .

[سعيد محمد القحطاني]

الله الله اخوي خالد صح لسانك ملاين
ماذا اقول

ولالي ورا مركاض رجلي مرابيح=وغلطات عمري فالسجل محسوبه
تلعـبـي الاقــدار لـعـب المـراجـيـح=والعـبـد مايحـصـي بعـمـره ذنـوبـه
اخوي خالد صح كلك تقبل تحيات واتقدير
اخوك سعيد ولاهنت

[محمد بن عبدالهادي المري]

صح الله لسانك ياخالد وبيض الله وجهك


جزاله وقوة وحبك في هذا النص الممتع

[محمد الوريكي]

مشاء الله تبارك الله
مافيك حيله ياخوي خالد
مبدع وشهادتي فيك مجروحه
لاهنت وسلمت
++++

[خالد العبيريد]

سعيد محمد حياك الله ياغالي ,,

صح الله بدنك وصح قلبك وكلك ولاهنت على حضورك المضئ والاشاده والتعليق على الابيات ,,

كل الشكر والتقدير والاحترام لك .

[خالد العبيريد]

محمد المري حياك الله ,,

نورت بحضورك وجهك ابيض ولاهنت ,,

صح الله بدنك وصح كلك ولاهنت مره اخرى ,,

خالص تحياتي وشكري لك .

[خالد العبيريد]

حياك الله محمد الوريكي نورت القسم بحضورك ,,

صح الله بدنك وصح قلبك وكلك ولاهنت على الطراء الجميل والتقيم ,,

كل الشكر والتقدير لك ياغالي .

[ترانيم المطر]

ناس ٍعلى نقل النميمه مشافيـح
كم ميت ٍتحت النصايـب حكوبـه

شاعرنا المبدع خالد العتيبي
لقد أسعدني تواجدي هنا
دام إحساسك وتميزك
تقبل تحيتي وتقديري ودمت بود
ترانيم