اكمل / ي شطر البيت

سافرت من داري على غير مشهاه=ماهوب ودي مير هاذى نصيبي
اقفيت مجبور ٍ وانا اقول عزاه=كان الزمن عنكم نوى ينتحيبي
وقت ٍ يحد العبد لو ماتحداه=صلف ٍ عنيد وفي ضروفه عجيبي
كم عارف ٍ غير على دربه اخطاه=يمسي على ظن ٍ ويصبح مخيبي
مير الغلا في ثومة القلب مرباه=منساك لين الموت عنك يغديبي
ياغالي ٍ ممشاي فالحب ممشاه=عانق خيالي مع خياله رقيبي
حبه ملك قلبي ولا حان طرياه=يسرج غرامه خافقي وينثنيبي
رجواي ساعه في حياتي بلقياه=واذوقه صدق الشعور العجيبي
منتوج فكر ٍ هيضه زين ذكراه = وتوارد القيفان حتى الصعيبي
واسمعه من خافقي واتولااه = هذا البعاد اللي نذوقه عصيبي
اسج رجلي للرجم واتعداه = اثر هجوسي في غلاك تعديبي

ياشف عين اللي يحبك من اقصاه =