أبيـآت آلشعـرآء آلارتجـآليـة

أعتذر أولاً في مشاركتي هذه عن عدم إستيفاء قافية أبيات الشاعره المتألقه ثورة الزير لإنشغالي لكن حبيت أشارك بكم بيت جديد ..
الهاجس اللي مرني تالي الليل .. اللي حرم جفني لذيذ المباتي
هيضني وقمت أردف الويل بالويل .. وجدد نزيف جروحي بذكرياتي
ياليت قبل يصير دمعي هماليل .. ومن قبل أسوي مثل دايم سواتي
إني رقدت ولا ذكرت الغرابيل .. اللي تبرر في المجالس سكاتي
بغيت أشالي حالتي بالمواويل .. لكن عجزت ولا وصلت لشلاتي
اكرر الاعتذار وهذه الابيات لم يطلع عليها أحد إلا من سيمر على هالمشاركه وهي بإذن الله في المستقبل القريب ستكون قصيدة وسنطرحها بالمنتدى ..