ۅشَ ٺبيُ ﺄكثرّ ﻣ̲ن كذآ !ډاامَ ﺈﻟيَ يحبگگ ﮬو ..↓ [ A n ɑ ♥ ..

[نديب]

على كثر القصيد وكثر ماجاب الخيال أفكار
تعبت ومالقيت الا ثمان أشياء تشبه لك

نور الشمس.. لون الغيم.. طهر الما.. وصمت النار
لين الورد فجر العيد ملك وانسان ياسهلك

واذا صار العنا رحله بسميك آخر المشوار
و اذا صارالبخل عمرالجزايل فاسمك المهلك

تجين أحلى من البشرى تغيبين وتشين الدار
هديه للزمن جيتي من الله عن طريق أهلك

صحيح المدح لو يقدر يقوم بنفسه ويختار
غدا عـبّاد شمس ٍ لا لمح زولك توجّه لك

غيوض وما يغيض النرجس الا ضحكة النوار
نعم والجود لو يفنا فنا من زود حبه لك

ضيا تسعين شمس وألف بدر ونجمتين كبار
آخاف اقول ظلك و أظلمك والعز كله لك

ورثتي مجد ابوك وجاك منهو زبنة المنجار
أبـو خـيريـن دماح الخـطا والعمـر مده لـك

وأنا وش عاد أقول ان صرت في وصف الغلى محتار
شعـور ٍما قدر ياصل سماك وقلت أزمّه لك

وعلى كثر القصيد وكثر ماقلنا من الأشعار
تعـبت ومالقيت إلا سموّك بس يشبهلك