سبع القبايل فرقتهم قبيله

[مريه والكبرلله]

السلام عليكم ورحمت الله وبركاته



هذه القصه مختارة من كتاب (( الدرة من اخبار قبيلة آل مره )) للمؤلف محمد بن راشد آل عذبه المري .

كان الشاعر الفارس نغيمش بن هادي الشولاني العجمي مع قبيلة آل مره. وكان محل احترام وتقدير و

قد شارك معهم في معركة ضد عدة قبائل مجتمعه،كانت تنوي ابادة قبيلة آل مرة وأن يغنمو الابل

والخيل . والتي كانت عندهم بكثره وكان لايوجد مقارنه بينهم وبين سبع القبائل كما قال الشاعر ولكن

الله كتب لهم النصر على تلك القبائل وكسرو الجموع المعادية وكان مع آل مرة بعض من آل عرجاء

وأشهرهم :


علي بن نديل آل قنيبر


،،،،، فأرسل الشاعر الفارس نغيمش بن هادي الشولاني العجمي هذه القصيدة لضيدان وابن سلطان

وهم من كبار العجمان ويمدح فيها قبيلة آل مره و الشيخ لاهوم بن شريم .

وضيدان اللي ذكر في القصيدة هو ضيدان بن فيصل بن خالد بن حزام بن مانع بن حثلين.

وابن سلطان هو الشيخ سلطان بن فلاح بن راكان بن فلاح بن مانع بن حثلين.

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

تقبلو اعتذاري اذا سقط شيء من القصه او القصيدة لكثرة رواة هذه القصه والقصيدة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


ياراكب اللي كنها فـرد غـزلان

لاصاعها من يمة الريـح زيلـه
تياسرت مع يمة الجـدي لابـان

هجنٍ عليها في المسـاري دليلـه
فاءذا لفيتو شيعو ذكر (ضيـدان)

اللي تعدى الجيـل الاول وجيلـه
قولو سلام الحرص ياطير حوران

بحفوةٍ يا اللـي علومـك جميلـه
انـا بشيـر للمعـادي بخـذلان

عزٍ للراسـك ياذعـار الدبيلـه
من هازنا زرناه بخشوم الاضعان

ومروبعات في المنـازل ظليلـه
يبرى لها من يمة الخوف فرسان

ومالٍ الى نـوخ يشيبـك عويلـه
تراوحت صم الحوافر بفرسـان

وتخالفو ضرب اليديـن الطويلـه
سرنا عليهم والسفر ما بعد بـان

فعل الله الماضي على كل حيلـه
ياميةٍ في حومة السـوء ظفـران

ياما ذهب في وردهم مـن قبيلـه
يامن يبشر بالخبر ابـن سلطـان

سبـع القبايـل فرقتهـم قبيـلـه
ياليتكم شفتـو طلقيـن الايمـان

تنخاهم انساهم وراحـو سحيلـه
حنا انتصرنا والمعادي بخـذلان

ولا يامن الاحكام راعي دغيلـه
زيزومنا بو راشد ذيب الاقـران

حييت يا شيـخ علومـك مهيلـه
شيخٍ ليام الى امتلى الجو دخـان

(لاهوم) شيال الحمـول الثقيلـه



الشاعر نغيمش بن هادي الشولاني العجمي

 

 

 

 

 

 

 

 

توقيع : مريه والكبرلله

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] لا تشتكـي مـن جـور الايـام للنـاس وادفن همومك في ثرى الصمت كله اسـرار عمـرك خلهـا تحـت الانفـاس لا صــار هــرّاج القـفـا فـاطـنـن لـــه

[فزاع المرشدي]

والله وسبعة انعام يال مره

قصه وقصيده تنومس الابطال

شكراً على النقل الرائع يالمريه

[سنجار المري]

مشكوره على هذي القصه ومعروفه وفيه قصايد تبين من هم سبع القبايل

لاكن ماودنا نثير نزعيت القبليه الجاهليه ومثل ماقال المثل المرئ من قال انا

[بدر الشدادي]

تقولون وتطولون يال مره وافين ياقبايل يام عموم
المرية بيض الله وجهك ولاهنتي يابنت الاجاوويد على الايراد الفاخر بالامجاد والانتصارات
تحيتي لك

[فزاع المرشدي]

اتمنى ياسنجار ترسلي على الخاص من هم سبع القبايل


أنا عندي يقين ان عتيبه ماهي من ضمن القبايل السبع لكن ابغى اعرف منهم ههههه

[مريه والكبرلله]

اقتباس المشاركة الأصلية كتبت بواسطة فزاع المرشدي والله وسبعة انعام يال مره قصه وقصيده تنومس الابطال شكراً على النقل الرائع يالمريه

ونعم في حالك وماعليك زووود
العفو هذا واجبي ولاهنت على المرور

[مريه والكبرلله]

اقتباس المشاركة الأصلية كتبت بواسطة سنجار المري مشكوره على هذي القصه ومعروفه وفيه قصايد تبين من هم سبع القبايل لاكن ماودنا نثير نزعيت القبليه الجاهليه ومثل ماقال المثل المرئ من قال انا

العفو ياسنجار حن نفيد ونستفيد
ولاهنت على المرور

[مريه والكبرلله]

اقتباس المشاركة الأصلية كتبت بواسطة بدر الشدادي تقولون وتطولون يال مره وافين ياقبايل يام عموم المرية بيض الله وجهك ولاهنتي يابنت الاجاوويد على الايراد الفاخر بالامجاد والانتصارات تحيتي لك

تسلم ماعليك زووود
وجهك ابيض
ولاهنت على المرور والتعليق
تحياتي لك

[مريه والكبرلله]

اقتباس المشاركة الأصلية كتبت بواسطة فزاع المرشدي اتمنى ياسنجار ترسلي على الخاص من هم سبع القبايل أنا عندي يقين ان عتيبه ماهي من ضمن القبايل السبع لكن ابغى اعرف منهم ههههه

ونعم في عتيبه وفي كل القبايل