العيد

[فهد الهباش]

العيد لاقابلت انا الزين بالـعـيد
واخص لاجاني على المغربيه
الله لايبــعده عن عيني بــعـــيد
ويالله تــهبنا كل يومن ســـويه
لنّ الوصل بـيزوّد الحب تـزويد
ولّا الهجر يدمــر عـيوني عليه
وش فايدن ذا العيد لاصار تنكيد
والصــبر مــاني ياولـيفي خويه
لاناحت طيور الخـلا بالتــغـاريد
اقول انا طــير الخلا ياهــنــيــه
واذا تذكّرت الغضي والـمواعيد
هلّـت دموعي والسبـايب خـفيه
ودي بــها سنّه وشرعن وتوكيد
واقضي معه ساعات لوهي شويه
والاّ انت يالجوال قربك وش يفيد
ان رحـت ولا جـيت عندي سويه

ماجد المقبل ...شاعر مميز...
سمعت شعره من قبل...واطرب له كثيرا
صح لسانك يابوعي مدد بلا عدد..
وعزالله انك صادقن يوم تقول:
ودي بــها سنّه وشرعن وتوكيد
واقضي معه ساعات لوهي شويه
والاّ انت يالجوال قربك وش يفيد
ان رحـت ولا جـيت عندي سويه
...........
الله يحقق مرادك...
تحيااتي القلبية وما نعذرك عن احضاار الجديد
لك ودي وتقييمي