من لا يعيش بكرامة ويش يشقاله .. يختار يالموت ولا المنزل العالي

انا قبلك بلا معنى انا قبلك بقاياانسان
مسافر مالقى ديرة تعوض عن شقا بيته
غريبه صرت في قلبك أنا قصة بلاعنوان
كتبت الشعر من قلبي وبدم الجرح خطيته
غريبه هاذي الدنيا بها وافي وبهاخوان
حسافه مامضى مني حسافه عمرٍ امضيته
شكيت الحب على قلبي علامه حطّم الوجدان
سألت القلب!! متى ياقلب؟ أشوفك صرت حبيته
كثير قلوب من حولك أخبرك تعشق النسيان
لقيت الحب في نبضك وشعورٍ صادق بديته
لقيت الحب في نبضك زهورٍ تنبعث ريحانـ
سكنت الحب في روحك وباقي الناس خليته
أنا جيتك أدور فيك مايروي ظماالعطشان
لقيتك ظاميٍ قبلي وظما قلبي أرويته
حفظت الشوق في قلبي ووصيته على الكتمان
لقيت الشوق في قلبك على قلبي وضميته
كتبت الشعر في وصفك قصايد كلها ألحان
لجل اوصل حشا قلبك كم مره تمنيته
احبك كلمه معناها شعورٍ ممتلي أشجان
ابي اكون ذاك اللي باسم قلبك تبنيته
ابي عهد ووعد منك توفي لي بلانكران
ووعد مني تكون اللي من اقصى القلب حبيته !!
أنا اسعد بشر عادي تولع في غرام أنسان
كتبت حبه على صدري وسط القلب ضميته
بسافر في بحر حبك واابيك تكون لي ربان
اموت ولايخون قلبي ولو خانك توطيّته
ابي أسكن وطن حبك ترا مليتهالاوطان
ابيك تكون ذاك اللي قصيدة عشق سميتــه