يا بوأحمد لكم مني تحيه =سلامن ما نبي لاجله عطيه

[ترانيم المطر]

تقبلوا ابيات بمناسبة استضافة الوريكي لي في موضوعه وحبيت أنقلها لكم
لا تليق بمقامكم السامي الكريم ولكن العفو من شيم الكرام

[poem=font="simplified arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا بوأحمد لكم مني تحيه =سلامن ما نبي لاجله عطيه
على مجهود للاعيان واضح =نثرت الورد في صبح وعشيه
وأهني يا محمد كل مبدع = ولا أبغى من تهانينا هديه
دفعني للمدايح شي شفته = تماسك بينكم ما فيه زيه
وهذا طيبكم ماهو غريبه = مثل هتان في زهره نديه
ولو ان الطيب شخصيه تمشى = لابو أحمد وقف دق التحيه
لان المدح في مثله يقصر = شبور المدح عن راع الحميه
هذاك المدح لا وصله يوقف =لان الطيب ابو احمد سميه
لشاعر في زمنا ما لقينا = ولا مثله ولا نلقى حليه
أبوه الشيخ وافي ثم وافي = من أجل الدار ما هاب المنيه
وله عزوه من إخيار القبايل = كسب طيبه من أعمامه حذيه
عليه أغلا سلامي والتحايا = ولا يالله يا رب البريه
تخلي له غلاه وكل غالي = وتستر شخص ما دار الأذيه
ولا من جيت يا مدحي تهيض = لابو مشاري فله حقن عليه
واعطه من مدايح له توازي = قلوبن صافيه بيضا نقيه
وأبمدح بالمواقف شيخ وافي = أديب القوم قائد للسريه
هذاك العابر اللي لو مدحته = مواقف شيخكم تصعب عليه
ولكن المدايح ما تكفي = عتيبي بالشعر له جاذبيه
ومدحي عند ابو هباش يقصر = ولا توفيه حرف الأبجديه
وابن قحطان هذاك المسمى = سليل المجد بالافلاك ضيه
ولا ننساك يا جزل المعاني =معزبنا الوريكي يا هنيه
له الوقفات تشهد في ثباته = وتشهد له صحاري جرهديه
ورايد هو وفيصل وابن ثامر = رجال العز ورجال الحميه
وابن بداي ومجازف وأحمد= رجالن ما وطو درب الرديه
وماجد مع فهد وابن التميمي = لهم في منتدانا قابليه
ومشرفنا على منتاج فديو =بتصميمه وصل هضبة طميه
وشاسع يا قصيدي دوم عالي = تعلا بيننا زبن الونيه
ولا مني مدحت الشيخ ناصر = شريفن ما نسا وقفة خويه
ولا تقصر يا مدحي لا نخيتك = تجمل في مديحي بجهنيه
ولي في داركم فلوه رقيقه = نديه والمشاعر دووم حيه
ومدحي ما نسا بنت الاكابر = هذيك العاليه حره ابيه
ولاني قادره بالمدح أكفي = ولا لي بالمدايح مقدريه
ولكن للجميع ازكى سلامي = لكم أغلا سلامي والتحيه
[/poem]

وأسفه على القصور تقبلي أرق التحايا من ترانيم

 

 

 

 

 

 

 

 

توقيع : ترانيم المطر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[الماسـه]

مسآء الغلآ قلبي
صح لسآنك ريووووومه
ويستآهل ابو حمد وابو مشآري وعآبر
والكل . . . ماقصرتي والله
شكراً ياعسل
على طوووول تعجبني قصائدك وربي
وشكراً عالإهــــداااااااء الرااائع الله يحفظك يآاارب

[خالد العبيريد]

ترانيم المطر حياك الله ,,

اشكرك جزيل الشكر وصح الله لسانك الحر ماشاء الله عليك لاتعليق ابداع والله واشهد لك شهادة حق مبدعه فالشعر وكل فنونه الله لايضرك خالد متابع لك ويترقب جديدك في الشعر واغراضه المدح وغير ,,

وافر احترامي لك ياشاعرة الابداع .

[ترانيم المطر]

اقتباس المشاركة الأصلية كتبت بواسطة الماسـه مسآء الغلآ قلبي صح لسآنك ريووووومه ويستآهل ابو حمد وابو مشآري وعآبر والكل . . . ماقصرتي والله شكراً ياعسل على طوووول تعجبني قصائدك وربي وشكراً عالإهــــداااااااء الرااائع الله يحفظك يآاارب

القديره الماسه
تواجدك أسعدني وأنتم أهلا للثناء
تحياتي وتقديري
ترانيم

[ترانيم المطر]

اقتباس المشاركة الأصلية كتبت بواسطة خالد العبيريد ترانيم المطر حياك الله ,, اشكرك جزيل الشكر وصح الله لسانك الحر ماشاء الله عليك لاتعليق ابداع والله واشهد لك شهادة حق مبدعه فالشعر وكل فنونه الله لايضرك خالد متابع لك ويترقب جديدك في الشعر واغراضه المدح وغير ,, وافر احترامي لك ياشاعرة الابداع .

لا أجد ما يليق بردك من كلمات
شاعرنا المميز خالد
إنكم تستحقون الكثير الكثير ولكن ترانيم لا تجيد المدح جيدا
وأنا اتشرف بمتابعتك والابداع يا شاعري هو تواجدك هنا
بحد ذاته له الفضل الاكبر في إبداعي
تقبل تحيتي وتقديري
ودمت بود
اختك ترانيم المطر

[ناصر الشريف]

ترانيم المطر طلعت وفيه== وغنت فالرجال الصيرميه

تغنت في هل الموقع ولكن == نستنا من دلال الشاذليه

غدت بابياتها مثل الغزاله == تمشى في الديار الجرهديه

وترعى من جزيل القاف لكن == توردها على حوض المنيه

وتسبلها لنا مثل المخيله == نواياها جميله جوهريه

وانا من فيض شعري قمت اجاري == جمال ابيات بحروف ابجديه

تغازل وقفة للكل تذكر == وتتقدم على راس السريه

ترانيم المطر عنوان فيها == وشاعرها تعابيره نديه

سكبت حروفها من كل وجهه == وجت مثل النقوش الحميريه

وسلامة قلوبكم جميع ويستاهل كل من ذكر اسمه في القصيده

وصح لسانك يا ترانيم تقبلو تحياتي وخالص تقديري

[ترانيم المطر]

اقتباس المشاركة الأصلية كتبت بواسطة ناصر الشريف ترانيم المطر طلعت وفيه== وغنت فالرجال الصيرميه تغنت في هل الموقع ولكن == نستنا من دلال الشاذليه غدت بابياتها مثل الغزاله == تمشى في الديار الجرهديه وترعى من جزيل القاف لكن == توردها على حوض المنيه وتسبلها لنا مثل المخيله == نواياها جميله جوهريه وانا من فيض شعري قمت اجاري == جمال ابيات بحروف ابجديه تغازل وقفة للكل تذكر == وتتقدم على راس السريه ترانيم المطر عنوان فيها == وشاعرها تعابيره نديه سكبت حروفها من كل وجهه == وجت مثل النقوش الحميريه وسلامة قلوبكم جميع ويستاهل كل من ذكر اسمه في القصيده وصح لسانك يا ترانيم تقبلو تحياتي وخالص تقديري

هنا أقف إجلالا لصاحب الحروف الذهبيه
ويشهد إني من شفتك دخلت على الموضوع كتبت بيت لك وانا ما أدري إنك تبي تكتب أبيات
ولكن المدح في مثلكم مشرف
لبى قلوبكم ولا عدمنا أخوتكم الجميله وشاعريتكم الفذه
تحياتي

[الهــــــــوى]

الله الله صح لسآآآنك ملآآآآآيين
كل من ذكرتيهم عز الله يستاهلوون المدح
يعطيش العافيه لاهنتِ .




وصح لسآنك ي ناصر عوآيدك الابدآع
وتستاهل الشيخه .


تحيآآتي للجميع .

[محمد بداي]

يسعد صباحك يا تراااانيم وكل اوقاااتك بكل خير

هذي قصيدة لم الشمل اقدر اسميها

بيض الله وجهك وصح لسانك ولاهنتي

ولي عوده باذن الله بما يليق من مجاراه

كل الود يا ذوووووق

وتسلمين

[سعيد الهباش]

صح لسانك....شهادة حق انك شاعرة تصخر القاف ..ماشاء الله عليك
وكل اللي مدحتي يستاهلون المدح ...تحياتي وتقييمي