ذي دروبي

[ناصر بن حسين]

يا جماعه جات نفحات الاجازه
والمعاني كل ابيها جات صوبي

والذي يطلبني اعطي له اجازه
لازم انه قبل يطلبها يتوبي

ذي مواثيقي قبل لا اختم جوازه
يا يعبيها سوا والا يذوبي

كل واحد لازم يبين اعتزازه
هبها يا راسي بحزة غروبي

والذي يبني صورحه بالقزازه
كيف بتقاوم على دحن الجنوبي

لا يظن الناظم انه في مفازه
اشهد ان بعض النظم مثل الذنوبي

والذي نخشى من الموقع نشازه
نحبسه حتى يتوب من الكذوبي

والذي ياتي لجل تاتيه عازه
ضاعت دروبه لما حصل دروبي

الغبي عن فرصته ضاع انتهازه
والذكي قال استريحي يا عيوبي

والزمن يا ناس لو شان اهتزازه
فالفرج ياتي بهبات الهبوبي

كل واحد ياتي باحدث طرازه
لا تعب صابه ولا يخشى نصوبي

قالو ان الصيد له مخلاب هازه
من يهوز الصيد عقبي من ينوبي

من حفر وسط المضامين ارتوازه
يبشر انه با يزيح اقسى الكروبي

يفرض احساسه قبل ياتي جنازه
ويتبين في جسيمات الخطوبي

ذي دروبي كل درب وله جهازه
كل يوم تشب بدروبي شبوبي

 

 

 

 

 

 

 

 

[هوى الغربي]

ارحب يابو حسين شاعر جزل يالقرم مافيك حيله
بس ياليت لو ما تنزل اكثر من قصيدتين فاليوم علشان نقدر نرد على باقي القصائد اللي تعرض
اليوم شفتك منزل ثلاث قصائد وحنا نطلب المزيد بس لا تغرقنا مره وحده ببحرك
قطره قطره يابعدي والله يعطيك العافيه شاعر جميل وانا من متذوقين شعرك لاهنت يالغالي

[حسن آل خريم]

..


صـــح اللهـ لسآنك يَ أبو ح ـسين مدد
أحترت ويش أقتبس من القصيدهـ .. لِ جمآلهآ الجم

تح ـيآتي لك ,,,


؛

[خالد العبيريد]

ههههههههههه يابو حسين بالهون طال عمرك ,,

صح صح الله لساانك وصح قلبك وكلك ولاهنت ابيات شامخه وافيه وكافيه ,,

لكن توقع من الاجازات ,,

كل تقديري وشكري لك وخالص تحياتي .

[فزاع المرشدي]

صح لسانك ياناصر

شاعر مبدع ولافيك حيله

قصاااااائدك تعجبني كثيييييييير

[ناصر بن حسين]

اقتباس المشاركة الأصلية كتبت بواسطة هوى الغربي ارحب يابو حسين شاعر جزل يالقرم مافيك حيله بس ياليت لو ما تنزل اكثر من قصيدتين فاليوم علشان نقدر نرد على باقي القصائد اللي تعرض اليوم شفتك منزل ثلاث قصائد وحنا نطلب المزيد بس لا تغرقنا مره وحده ببحرك قطره قطره يابعدي والله يعطيك العافيه شاعر جميل وانا من متذوقين شعرك لاهنت يالغالي

ابقاك الله يا هوا الغربي ولا هنت على المرور الجميل والاطراء
وتنزيل القصايد لو لا السحا لا اخلي الصفحات بسمي ههههههههههه ولكن ابشرو بالخير
بعدين اي بحر واي كلام فاضي يا الله بنا نكتب وما دام مثلك من المتذوقين لقصيدي
فهذا اكبر فخر لي تحياتي وخالص تقديري

[ناصر بن حسين]

اقتباس المشاركة الأصلية كتبت بواسطة حسن آل خريم .. صـــح اللهـ لسآنك يَ أبو ح ـسين مدد أحترت ويش أقتبس من القصيدهـ .. لِ جمآلهآ الجم تح ـيآتي لك ,,, ؛

صح بدنك يا ابو سالم ولا هنت وانا من حيرتي ويش اقتبس من ردك

اقتبسته كامل تقبل تحياتي وخالص تقديري

[عبدالله سعود المتعب]

لاهنت ياناصر وصح لساانك

دامك مبحر بالنظم ومبدع انصحك تنزل ديوان صوتي يالاميرر

دمت بود لك كل التقديررر

[ناصر بن حسين]

اقتباس المشاركة الأصلية كتبت بواسطة خالد العبيريد ههههههههههه يابو حسين بالهون طال عمرك ,, صح صح الله لساانك وصح قلبك وكلك ولاهنت ابيات شامخه وافيه وكافيه ,, لكن توقع من الاجازات ,, كل تقديري وشكري لك وخالص تحياتي .

الاستاذ والشاعر خالد العبيريد

صح بدنك ولا هنت على المرور الرائع والمتواصل
والاجازات ما هو من جا خذاها ههههههههه

اشكرك كل الشكر على تشريف المتصفح

تقبل تحياتي وخالص تقديري

[ناصر بن حسين]

اقتباس المشاركة الأصلية كتبت بواسطة فزاع المرشدي صح لسانك ياناصر شاعر مبدع ولافيك حيله قصاااااائدك تعجبني كثيييييييير

فزاع صح بدنك والابدا ع بحضورك يزيد رونقه

وتسلم على الاطراء واعجابك هو الغايه اللتي اسعى لها

تقبل تحياتي وخالص تقديري