يا الله عسى ما تكره النفس خيرة - الملتقى الجماهيري للشاعر محمد بن فطيس المري

سهيل المري · منذ /08-15-2012, 04:15 AM

اعتذر منكم من الغياب الفترة الماضيه ولكن كانت هناك اسباب و كنت خارج البلاد وقلت القصيده في الخارج وارجوا ان ترضي ذائقتكم الشعريه

[poem=font="simplified arabic,5,firebrick,bold,normal" bkcolor="white" bkimage="" border="double,5,darkred" type=1 line=0 align=center use=ex num="0,black""] يا راكب اللي تقرب البعد لا مشت=سواقها متجهزً في لزومها
طيارةً حس الرعد في قفاها=فوق السحاب و تحت عالي نجومها
من دار مدريدً على الشرق حدرت=تبغي الكويت ورحبوا في قدومها
دار اصباح اللي كسانا ظلهم=تشدي حرارً لا تعلت رجومها
حنا فضل الله علينا و فضلهم=في نعمةً الله علينا يدومها
تنصى ربوعي ماكر الطيب كله=ربعً دروب العز دايم ترومها
الضيف لاجاهم من البعد عاني=قدم له صحونً تناسف شحومها
ربعي على فعل المراجل تعودوا=وان عدو الاجواد هم من قرومها
اجدادنا عاشوا على الطيب والكرم=و حنا تبعنا الطيبه من سلومها
جميع من كلم له الشكر والثنا=واللي انشغل منا فلا حن لومها
الناس في دنياً كفى الله شرها=دنياً على ابن ادم تخالف سهومها
بعض العرب طيبه تعدا القرابه=ودايم على الادنين نفسه يزومها
نكار للمعروف والجود والوفاء=و ان كبرة القالات ضاعت علومها
ما يدري ان تاليه قبر و نصايب=ولا يجني الا خرقةً من هدومها
اغنم زمانك دام ما انته مخلد=و بعد عن الديرة وكثرة همومها
سج القدم وابدابها راس مرقب=واسترجع الذكرى بتالي رسومها
وقتً مضا والابل بها الناس رحل=من درها تشرب وتأكل لحومها
الابل عطايا الله ويا زين دلها=تبغي لها ناسً قوي عزومها
ترخص لها الغالي ولاهي تعده=في شفها الشيكات تكثر رقومها
يا عيال ضموا الابل تراها معزه=خلوه يعود من لفاكم يسومها
يا زين خطوا فاطرً يوم زرفلت=صوت لها الراعي وهجت عجومها
من عقب نقضة الجزو وزان وردها=على خبارً تو قفت غيومها
وان جا الشتاء زود لها الكن والذرا=عجل على حيرانها في حجومها
كم ليلةً مرت وانا الليل ساهر=من حبها يحرم على العين نومها
راعً لها فالبرد والقيض كله=ما ملها لو جا لهايب سمومها
و يالله عسى ما تكره النفس خيرة=واقسم لها يا رب خيرة قسومها[/poem]

** * * * *وسلامتكم