أنا هواي أشقر الجنحان,,

[خالد العبيريد]

بسم الله الرحمن الرحيم ,,

وعليكم السلام ورحمة الله وبركاته ,,

أسعد الله مساكم وصباحكم بكل خير وكل سرور,,

أقدم لكم أبيات وهي قديمه ايام الصقور والولع ولوباقي حبها لكن الظروف تحكم بيني وبينها وقبل ايام يكلمني محمد عواد الشراري راعي صقور يقول نبي نقنص معي شيهانه وطرت لي هالقصيده قلت نجددها امامكم ,,

لكم الابيات وكل امل ان تنول اعجابكم وتحوز على رضاكم.

[poem=font="simplified arabic,5,darkred,bold,normal" bkcolor="white" bkimage="" border="solid,5,darkred" type=1 line=0 align=center use=ex num="0,black""]
أنا هواي اشقر الجنحان=حر ٍ ينومسني بنقله
فرخ ٍ وحش لاشهر ثم بان=ماكل صقار يعلق له
أدقاق ريش وصدر مليان=ومناكبه ماتدقق له
مسرول الرجل والعكفان=كنها من الدم تعنق له
الياهوى مرتع الرضيان=صلف الهوى مايصافق له
مع درب خرش ٍ رمى وأهتان=لاهد هده يوافق له
ماكنه الا فعل سبلان=ماضي فعوله تطوق له
اليا نزلنا مع مسيان=في مرتع ٍ قد تعذق له
شمال من نزهة العقلان=ويمين عن سكة العقله
مع جول ٍ يهيض الاشجان=قام يتدارج على دقله
وكشفت عنه ورمى الاعيان=حدق النواظر تعمق له
وأخذبهن فالهوى ميدان=ثم حول بخرب ٍ بثقله
يومي به الريش والنقصان=ياعنك محد ٍ بشافق له
يطرح عشاه ويزود أعنان=مثل العديم ان تفرق له
لاواجه القوم والفرسان=محد ٍ عن الهوش ناطق له
ملحوم مخلابه النومان=مافيه شي ٍ يغمق له
هذى هوايه عن الشيهان=الي هددها يسبق له
لو هي على الطوع فيها اجنان=والسبق ماهوب تنتق له
لاشك تفرق عن الشقران=بالفعل والعزم والدقله
شي ٍ مضالي وانا شفقان=على الهدد والولع حقله
كان الزمن عاد لي ثم زان=دعواي ياربي تعقله
[/poem]


وسـلامة نواظركم وقلوبكم ,, خالد العبيريد.

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

---

التعديل الأخير تم بواسطة خالد العبيريد ; 09-09-2012 الساعة 02:17 PM

[فزاع المرشدي]

ياسلام ياسلام

اثرك راعي ولع وصقاره يالامير

مايعشق الحر الا حرن مثله

صح الله لسانك لين ترضى

وبيض الله وجهك ياخالد بن سهيل

قصيده جزله وقافيه رائعه وشاعر علم

[خالد العبيريد]

مرحبا يافزاع حياك الله ,,

الحر انت لاتفهمني غلط ههههه عساني فداك يالقرم,,

صح الله قلبك وصح بدنك وكلك والله لايهينك يالغالي ,,

كل شكري وتقديري لك وخالص تحياتي والله لايهينك.

[كان]

شئ.جميل ياصديقي خالد.
ابيات دقيقة وجميلة صح لسانك.
ياصديقي.(كان)

[الفلوه]

خالد العبيريد
أخي القدير لاهنت وعتلا شانك قصايد الطير تروق لي بالحيل وربي تسلم يمناك
شعر ووصف عذب وقلم أبدع هنا أنت تغرد خارج السرب كلك ذوق
وتقيمي لسموك

[هوى الغربي]

ي سسسلام

صح لسانك يالعبيريدي

قصيده شامخه كشاعرهاا لاهنت يالغالي

[فاقده ابوها]

صححححححح السانك ابيات روعه تستاهل التقييم

[الهتلانيه]

خالد العبيريد صح السانك ولاهنت على الابيات الرائعه
تحياااتي

[سهيل المري]

صح بدنك ابيات وافيه من شاعرً وافي

[خالد العبيريد]

مرحبا ومسهلا جميعا ً حياكم الله يالغوالي ,,

صح الله ابدانكم وصح قلوبكم والله لايهينكم على حضوركم المضئ,,

تحياتي وتقديري لكم.