الفال يالله داخلك من ردا الفال

[ظافر العرجاني]

السلام عليكم ورحمة الله وبركاته

هاذي ابيات جاتني من رفيقي
ورديت عليه

واتمنى انها تعجبكم

يقول ( المرصآد)

يالصاحب المنعور يشكيك الاحوال
من صاحب(ن) فـالقلب حبه مصيبه

طالت به الغيبه وذكره على البال
وانا مع الهاجوس دوم اعتزي به

جريت له صوتي من الجال للجال
واسمع صداه يقول لي وش تبي به

ثم قلت له حبه ترا مابعد زال
متمسك(ن) في ذكريات(ن) صعيبه

الفال يالله داخلك من ردا الفال
والحظ يالله داخلك تعتني به

رديت عليه واقول

يامرحبا ياللي لفى منك مرسال
ياصاحب(ن) وقت القسى نعتزي به

الحب يامحمد عقوبه وبهذال
لان المفارق لازم انه يجي به

وان كان قصدك شاكي صوبي الحال
فأخيك يامحمد ترا به مصيبه

ثلاثة اشهر في هموم(ن) وغربال
من يوم كل(ن) راح يتبع نصيبه

ذي سنة الدنيا ولو دمعنا سال
مافيه خل(ن) دايم(ن) مع حبيبه

وسلامتكم

 

 

 

 

 

 

 

 

[عامر صالح ال شنيف]

تسلم يا العرجاني
وصح الله السنتكم اثنينكم ابياات جميلة
لاهنت وتقبل مروري

[خالد العبيريد]

وعليكم السلام ورحمة الله وبركاته ,,

هلا مرحبا ياظافر حياك الله ,,

صح الله لساانك ولساان عميلك ولاهنتم ابيات وافيه وكافيه وقمة أبداع,,

تحياتي وكل تقديري لك ياظافر .

[بدر الشدادي]

الله الله ياظافر
صح السانك وقلبك مليون يالقرم صوت وصدى راقيان جدا
تحيتي لك

[غصة حزن]

صح لسانك ظافر وصح لسان صاحبك
ابداع . وكل الابيات قمه فالجمال

[ظافر العرجاني]

صح الله ابدانكم جميع

والله لايهينكم على مروركم الطيب
اللي شرفني واسعدني
وجعل عماركم طوال على كل حآل